ايوة انا هندي

انت هندي ؟ فاكرني هندي !مفكرني رابط الفيل قدام البيت ! لما تسمع الجمل ده ايه شعورك بل ايه ردة فعل هل عارف المقصود بها ايه ؟ وعارف هي بتتقال بناء على ايه ؟
الجمل ده تقال عند حصول اي كلام او تصرف غير معقول بالمره احيانا بيكون اللي بيقولها مش قصده انه يسئ الى الهنود لكنها جرت العادة
لو عاوز الحقيقة المرة انك لو سألت هندي تفكيره نفس تفكير اللي بيقول انت هندي عارف هيقول ايه ؟ايوة انا هندي صنعت القنبلة النووية ونتم ما زلتم في صناعة الطعمية بلدي بها من الصناعات الثقيلة ما تعجز عن صناعته الدول العربية جمعاء ومن ده كتر...
صح في هنود كده وكده زي ما فيه في اي بلد ناس كده وكده
سبب تعمدي للجنسية الهندية بالذات لانها مظلومة من معظم الناس وخاصة العرب هل نعلم ان الهند بها اشخاص رائعين زي غاندي الذي عاش من اجل فكرة ضد الرصاص وقتل بالرصاص وعاشت فكرته هل تعلم ان بها محمد اقبال شاعر الاسلام اللي جده كان هندوسي ومع ذلك افتخر باجداده الحقيقين المسلمين حيث يقول
كنا جبالا في الجبال وربما سرنا على موج البحار بحارا
ويزيد بالافتخار قائلا
لم تنس افريقيا ولا صحرؤها سجداتنا والارض تقذف نارا
ارواحنا يارب فوق اكفنا نرجو ثوابك مغنما وجوارا
والكل يعرف قصيدة حديث الروح للأرواح يسري وتدركه القلوب بلا عنـــاءِ
والكل يعرف من هو ابو الحسن الندوي و ابو الاعلى المدودي و صفي الدين المباركفوري صاحب الرحيق المختوم
احد االاشخاص قال لي الهند دولة كافرة قلتله لا اشك في ذلك لكنها كافئت مؤسس الطاقة النووية في بلدها المسلم ابو الكلام حيث جعلته رئيسا بالرغم انه تكريم شكلي لكن في المقابل انظر ماذا فعلت باكستان بمؤسس الطاقه النوويه فيها العالم عبد القدير خان حيث حكم عليه بالاقامة الجبرية والهند بها العديد من المبدعين المسلمين
وانا هنا اقصد ان بتلك الطريقة نظلم شعب رائع انا بقول ان الهند فاقت الدول العربية علميا حتى ان بها جامعات دوليه و متفوقة في مجال البرمجيات والطاقة
بعد كل ده هل ممكن توافق ان هندي يتزوج من اختك او بنتك او انت تتجوز من عندهم
في النهاية احب اقول ان الهنود زي اي شعب تم احتلالة واستعباده ولكنهم فاقوا ولم يتركوا مجالا الا ابدعوا فيه عقبالنا يارب
بعد كل ده
عاوز تبقى هندي
اخوكم ابو اعصار