اذا سالتني انت مصري هقلك اه واكبر دليل قفاي متعلم عليه (مضروب فعلي او معنوي) ما
حبش اضحك على روحي وقول كله تمام لاني بقيت بكره الكلمه ده اوي لا مش تمام ابدا بل
اللي بيحصل عار على شعب كامل فيه 80 مليون عقل مختزلين في عقل واحد مش هكتر
امثله واكبر دليل مهزله المحليات واللي حصل بالاضراب انا هنا مش جاي بندب حظي لا
بقول ان ا حنا ماشيين غلط ياليتنا نرجع ورا بس لا بنسقط للهاوية من كل النواحي اي
حركه اصلاح فعالة جاده بيتم وئدها قبل ما تتولد من كل الجهات اي شعلة نور بيتم اغراقها
بكل الوسائل
حرام اوي يبقى عامه شباب الشعب قوة المجتمع عاوز يهاجر لاي حته حتى لو اسرائيل
حرام اوي ان عامه الشعب يشوف لافتات وقنوات مصرية تقدس فكر واحد وتدوس على
باقيه الافكار ويمشي ولا كانه شايف حاجه حرام جدا اما بعض رجال الاعمال ينافقوا بلافتات لن يرحمهم التاريخ ابدا بها ابدا فعلا احنا في ابشع رده في عصر الذره والعلم والحرية الى عصر الاسترقاق الجماعي في العصر الحجري
حرام جدن اما المنافقين والفاشلين هما اللي بيصنعوا الاوهام في عقول الشعب ليستسيغو1 وهم عظمة راي واحد ديكتاتوري اما تشوف تلفزيون بلدك 90 في الميه من مواضيعه تفاهة وضحك على الشعب الغلبان وتخدير حاسة التفكير مش هكمل عن التلفزيون عشان لا اتقيأ
حرام اما تشوف في شعبنا مغمورين سلطهم هذا الراي يطبلون له فلولاه لظلوا صعاليك لا صوت لهم
حرام جدن جدن اما الحقيقه تبقى مموهه على عامه الشعب ويكون الكذب واضح وضوح الشمس ولا حد يقدر يفكر انه يعمل حركه ايجابيه
حرام جدن ان كل الحركات اللتي تسمي نفسها معارضه تفضل تحارب بعضها وتشهر في بعضها بدل ما يفكروا انهم يتحدوا على هدف واحد على الاقل
حرام جدن انك ترى الشرفاء في السجون بينما ترى القتله والحراميه بيرتعوا ولا حد بيكلمهم
حرام جدن انك ترى ماساه انسانية بجانبك عشان اذن بالدخول من معبر و التعلييل عليها بعلل لا يستصيغها الأطفال لان لو اسرائيل قالت افتح المعبر هيتفتح المعبر
حرام جدن ان الصدق والصراحه والنور بقت لفظ في القاموس فقط
قال الله تعالى ( واذا قيل لهم لا تفسدوا في الارض قالوا انما نحن مصلحون الا انهم هم المفسدون ولكن لا يشعرون )
حرام جدن اما يكون هدف عامه الشعب انه يعيش باي طريقه واي كيفية مش انه يكون جيل حضاري بناء
حرام جدن ان عامه الشعوب العربيه تؤيد ثقافه الاقوى فقط مهما كان خطأه ولذلك سيبقى الوضع على ما هو عليه ان لم يزداد سوء المشكله ان ان الراي الواحد سيذهب ولكن التداعيات ستبقى تعاني منها الشعوب
عاوزين رجعة الى الحق عاوزين تكون انسانيتنا اعلى من كده عاوزين وعي حضاري عاوزين احترام الاخر مهما كان اختلافي معاه عاوزين بناء قيم مش هدم
اعزائي انا باقيلي مده مطلق النت عشان وجودي حاليا بره مصر وانشغالي بالمذاكره ادعولي
. بالمناسبه قبل ما سافر بيوم اكلت سمك بفطير عشان ماكانش فيه عيش في المنطقه اللي كنت قاعد فيها والفطيرة كانت بجنيه ونص
ااخوكم ابو اعصار
