بل اقصد اوشك مدفع رمضان واحيان بيقولو مدفع الامساك مدفع الافطار لايهمنا يهمنا ان رمضان اوشك بعد كم يوم لا ننكر ان شهر رمضان يعتبر مميز عن بقية الشهور ولكل له طريقته سواء انه يعلي رصيده او العكس فمثلا انسان يعتبر ان رمضان فرصة للتقرب من الله عز وجل وده رائع
وتاني بيكون له شهر واعد في الاعمال التجارية باشكال مختلفة وده رائع والاروع من كده اللي يجمع الاتنين
لكن الناس العاديين ممكن ده شهر اكل وشرب ونوم وكسل وباقي انه يكتب على بيته انه صايم و ان اخلاقه هتبقى عصبية فاكر ان مفيش حد صام قبل كده
وواحد تاني بيبقى مظبط رمضان على المسلسلات ممكن الواحد يظبط نفسه على مسلسل هادف اوكي لكن مش من مسلسل الى مسلسل كأن الحياه مسلسلات
وفعلا حاجا غريبه ان تلاقيهم طول السنه بيكررو مسلسلات قديمة وبايته وفجاْه وبدون سابق انذار تكتر تلاقي المسلسلات زي الدبان حتى ان المشاهد يصاب بالتخمة وغالبية المسلسلات العربيه اشبه بافلام الكرتون في اهدافها او لا تخرج ان واحد حب 6 حريم سايبين كل الرجاله وبيطاردوووه وواحده حبت 5 بس وهما بيطاردوها برده والكل بيتخانق مع التاني وشخبطا لخخبطا ولقطتين من هنا ولقطة من هناك وبعدين حبوا بعض وبعدين اجوزوووا هيه خلصت الحكايه بيلعبوا بدماغنا بيضيعوا وقت الجماهير العربيه وفين في اشرف الاوقات في رمضان
ولا الفوازير يجيبولك خلقتين غبرين يقدمو لك فوازير واسئلة تافههة ولا زيرو تسعميه كمان لاتخرج عن اول يوم في رمضان بيبقى يوم كم رمضان ؟ واسئله عن الفلم ده والمخرج التاني والمغني الفلاني دكم القرف مليتم البلد
فعلا الاعلام المصري ومعظم العربي هدفه تجميد العقلية العربيه عن التفكير تكون مجرد متلقية عبط وهدفة خواء الروح وانحطاط في الفكر لدرجة ان حديث العامه يبقى تحليل للمسلسلات وانهم مش ملاحقين يتتفرجوا على المسلسلات فقط انا طولت في حكايه الاعلام لانه من اهم مايميز رمضان العرب
معلش ده الحقيقة ونا بحب اخبط ابر مصديه
ولو انت فكرت تعتكف في الجامع اعتكف في اي حته ولو في مسجد في اسرائيل لكن مصر نو والف نو اقصد لا والف لا لان قبل ما تعتكف لازم يجيبوا لستة بالناس اللي هتعتكف اساميها وارقام بطاقتها ويديها لحبايبانا حبايب الشعب قمل الدولة امن الدولة مع احترامي للقمل والله في منهم ناس رائعين محترمين بيحبواالشعب لكن السواد الاعظم شر و الشر يعم بس بمعنى اصح ان نفسك بتبلغ عن نفسك و لما تحصل اي عمليه او مصيبة متتعبهمش و هما لسا يدورو عليك لا يقولك تعالى يابن الك.....اتب الصحفي تيجي ونت موطي راسك لازم تتعاون وتوفر الامن لرجال الامن العظماء الاقوياء على ولاد بلدهم الكتاكيت الرقيقة الناعمة الحنونه على الاعداء بيضربوا اعدائهم بالمنديل
باقي معلومة في حكاية المساجد في مصر هي ان اكتر موظفي الاوقاف في العهد المبارك بيشتغلوا في امن الدوله برده امتى تتاكد من كدا ؟ اما تلاققيهم يتخانقوا معاك او مع اي مخلوق ويقولوا جملة هوديك في داهيه يبقى اتاكد يا معلم _ _______ __________ _________ ________ ______باقي حبة كبسولات اولا في رمضان ده لو انت فعلا عاوز تكون انجزت حاجا لازم كل يوم تتطور وتنجز سواء في العبادات او اعمالك الخاصة اجتماعيه او تجارية بمعنى اصح لازم يكون كل اللي جاي احلى مش تهبط من اول يومين
تانيا اذا هتتفرج على تلفزيون اتفرج على طارق السويدان عمرو خالد سلمان العودة عائض القرني عمر عبد الكافي زغلول النجار دول كلهم عظماء وغيرهم وانا شخصيا بحب قناة النجاح
ثالثا ادع من كل قلبك على كل ظالم وتشوف فيه يوم ملون سواء كان اي شخص زميل اكس فريند صديق سابق دكتور في الجامعه او حتى طبيب مدير او الرئيس اقصد رئيسك في العمل ولو سمحت اصحاب النوايا السلبيه ميفهمونيش غلط نسيت قبل ماتدع لازم تطهر طينتك وتخليها تتعلق بالسماء لأن الجزاء من جنس العمل وفي المقابل ادع لابوك لمك لعيالك وبردو متزعلش حماتك لكل اصدقائك لو هتسامح وتخلي قلبك ابيض ادع بالمغفرة لك ولمن ظلمك
رابعا ا اذا كانت لديك اعمال كثيره في رمضان يفضل ان تجدول اعمالك حتى تنجز في وقت محددرابعا لازم تصوم بقلبك قبل بطنك لانك لو ماصمتش بقلبك يبقى تستاهل رصاصه في قلبك وسلامة قلبكفي
النهايه رمضان بيفكرك بآلام المساكين حتى تحس بيهم ويحسوا بيهم االلي بينادو1 بتوفير البسكويت للمواطنين بدل لقمة العيش
اسمع اغنية رمضان وهل هلاله يا حلوت النور يا جماله
http://epda3.net/iv/caset-221.html للاخ زين العابدين ابو عابد هي قديما بس جامدا و حلوة مفيش احلى منكم لانكم تحملتم كلامي تسلموا لي يا غاليين ادعولي بس اطبق الكلام اللي بقوله مش ابقى من اللي (اتامرون الناس بالبر وتنسون انفسكم وانتم تتلون الكتاب افلا تعقلون ؟)
يارب لا تجعلنا منهم
Abu E3sar
ا1بـــو 1عصــــ1ر
