مكتبة وقهوة وتشوف ناس حلوة اكيد كان يوم الخميس 22/5 مكتبة عمر بوك ستورز
حيث حفل توقيع كتاب مشروع وطن (مدونات مصرية للجيب) كان موعد الحفل الساعة 6.5 بصراحه مارحت هناك الا الساعه 8 بس على اني اشتري كتاب وامشي رحت لقيت لسه فيه زحمه بالمكتبه والكتاب خلص ما كان مني الا ان اتصلت بالشاعر صاحب مدونة الشاعر صديقي من قبل فكره المدونات رجل على خلق وفكر رائع المهم قابلته و اهدالي الكتاب ربنا يجزيه خير وقالي نروح القهوة نقابل الناس الحلوة قهوة البورصة شبه مقر للمدونين
اللي اوقفني عادة انا اعرفك او اعرف اسمك وبعدين اقرا لك لكن اللي حصل العكس كنت بقرا لمدونين وبعدين اتعرفت عليهم هناك اول واحد سالت عنه استاذي المهندس محمد صاحب مدونة عصفور المدينة اول ماشفته قلتله انا ابو اعصار قالي والله انا بحبك بالنسبه لي هو ده احسن موقف في القهوة وقابلت خالو الصباغ سكرة الليلة وقابلت ا/احمد علي صاحب مدونة يوميات عيل مصري اللي كان استاذ الليله هو و ا/ محمد صاحب مدونة صيد الخاطر والرائعين ا/محمد صاحب مدونة امام كان مزاجه مش قوي ود/محمد صاحب مدونة دكتور حر و اليعقوبي والجعفري مدوناتهم نفس اساميهم والجيزاوي و ميدو في االدغال ونضال والعاشق وفي مدون عليه علامات البراءة صاحب مدونة طفل زغنون قلت في نفسي اسم على مسمى وقالي انه بيكتب في مجلة بحلقة وغيرهم كتير وبمناسبه اسم ابو اعصار كل اللي يسالني عن اسمي يبحلق و يقلي ليه ابو اعصار مش عاوز احكيليه قصة تدوشة لاحقا بكتب عن الاسم ان شاء الله و ربنا يكرمك يا شاعر صح اني ازعجتك في اخد القلم منك بس يلا عديها
عن الكتاب فكره رائعه جدن فيه ميزة وفينه تنويه بسيط الميزه ان المعدين عرضوا افكار حره غير ملزمة بمرتب ولا مدير ولا رقابه مع كامل تقديري لكل من عليه مدير او يا خذ مرتب وفكرة الكتاب من كل بستان زهرة وحلو جدن انه يحتك بالشارع المصري
اما التنويه اللي يشوف التصميم يعرف ان اللي اعده متحمس للفكره فعلا بس مش عارف هو هيقول ايه صور كتير فعلا وطنيه بس ماحدد ربنا يجزيه خير
بجد الشهر ده شهر حماسي في السعوديه قابلت الدكتور زغلول النجار وفي الطياره والمطار قابلت الشيخ احمد العجمي وبعد ماوصلت مصر بيومين قابلت مدونين بحبهم في الله
يا ربي لك الحمد كماينبغي لجلال وجهك وعظيم سلطانك
اخوكم ابو اعصار
هناك ١٢ تعليقًا:
أنا مصمم إني أحبك ربنا يحفظك وأحببتك أكثر عندما رأيتك
أولا : نورت مصر ونورت وسط البلد وشرفتنا برؤياك
ثانيا : ربنا يوفقك فى دراستك وان شاء الله تحصل على أعلى الدرجات فى الدنيا والاخرة
ثالثا : ان شاء الله مش أخر مرة هنشوفك فيها وتقابل المدونين . بس انت شد حيلك فى الدراسه
رابعا : لا تنسنا من صالح دعواتك ياأبا اعصار
دمت بخير ,, أخوك الشاعر
اخى الكريم
بحب انا اوى الناس اللى بتاخد بالها منى
:))
بس عادى والله مكنش فيه حاجة معينة
بس انا طبيعتى هادى
زيادة عن اللزوم بس
ولما باخد على الناس بندمج اكتر
سعدت بلقائك
واتمنى اشوفك قريبا تانى
ان شاء الله
السلام عليكم
وانا كمان سعيد برؤيتك وبالتعرف اليك يااخي وعايزين نبقي نتقابل كتير ان شاء الله
واحبك الله الذ احببتنا فيه
والسلام
استاذي المهندس عصفور المدينة احبك في الله فعلن كان يوم رائع اكتملت روعته لما سمعتك وشفتك
اخي الشاعر سامحني تعبتك معايا ربنا يكرمك ويرفع قدرك
اخي
امام
الجيل
الهدوء ده فعلا يخفي وراءه شخصيه مثقفه بحكم ماقراته من البوست القديم لك متزنة وتدرك لما ما يسمع بجد لازم اقابلك تاني ان شاء الله
اخي الفاتح اليعقوبي كم انا سعيد بان مدونتك تذكرنا كيف وصل اجدادنا الى العزة والعدل والكرامه
الله يجمعنا في ظله
هو انتو كلكم متفقين علياااا
عارفين ظروفى ومع ذلك منزليين بوستات تغيظونى
ع العموم اكيد كنتو منوريييين
بقولها وانا بتقطع
ويعلم الله قد ايه قد ايه قد ايه
كان نفسى اكون موجوده وحاربت ف سبيل ذلك
بس الحمدلله
الا هو ليه ابو اعصار
هههههههههههههههههههه
ومتعرفش قد ايه اسعدتنى
ان صديقك صالح زوجته (( المكتوب كتابهم ))
وقولت الحمدلله ثواب ع الصبح اهو
ربنا يوفقهم ويوفق كل اتنين يارب
ويوفقنا .. نقدر نفيد غيرنا
اخي الحبيب ربنا يبارك فيك ويحفظك والله احنا اتشرفنا بمقابلتك واحبك الله الذي احببتنا فيه ,بس علي فكرة احنا اسمائنا الحقيقيه مش اليعقوبي والجعفري ولكن انا احمد واليعقوبي محمود ,دي اسامي الجدود بعيد عنك ,علي العموم اتشرفنا جدا وان شاء الله يكون هناك لقاء قادم وجزاكم الله كل خير
دكتورة اجدع بنوتة
تتعوض في غيرها ويكون حفل اكتر تنظيما و واكثر مشاركة ان شاء الله واكثر ابداع
والاعمال بالنيات
اما عن ابو اعصار ده لقب اطلق عليا بحكي عنه لاحقا
المقالين اللي منشورين لكي من اهم مايميزهم محاكاة الواقع بطريقة غير تقليديه وده اللي خل صاحبنا يقوم يفز
الله يجعلهم في ميزان حسناتك
وان شاء الله يكون لك ابداع قادم
وتحضري بدري بعد كده
موفقة
الفاتح الجعفري
اخ احمد واخ محمود الله يرحمنا ويرحم الجدود
تشرفت بمعرفتكما ربنا يكرمكم
وباذن الله اشوفكم في اقرب لقاء
الله يرعاكم
إرسال تعليق