كل عام وانتم بخير
و مبارك عيدكم وعيدكم مبارك ونظيف وشريف وكله سرورو وجمال وكمال مع تحيات الحزب الوطني
يوم الاثنين 26 رمضان كنت في مكة لاكون من ضيوف الله في ذلك اليوم وعملت عمرة وكانت رائعة واستوقفتني بعض المشاهد
الزحام الهايل الرائع الدنيا ده كلها اتجمعت ليه ؟؟ كلنا ان عارفين ده عباده لكن مين منا يعرف ليه
متجمعين وبعمل شعائر زي بعض كلهم بيطوفوا من الحجر الاسود زي بعض 7 مرات باتجاه واحد عكس عقارب الساعه اي المعنى من ده
دققت النظر اكتر في المعتميرين لابسين زي موحد كلهم زي بعض القوي مع الضعيف مع الغني مع الفقير مع الابيض مع االسودمع كل الالوان والجنسيات مفيش فرق بين العربي والاوربي والافريقي كلهم سيان مفيش حد مميز عن التاني
كلهم في الزحما سوا الامتيازات بس عند ربنا الفرق بس في الجوهر وليس في المظاهر الكدابه ليس تقليلا من المظهر ولكن الجوهر اهم واهم من المظهر
التقوى هي الفرق باختصار القلب الاقرب من ربنا هو المميز المهم كلهم مسلمين فعلا اذا نظرنا لموضوع ده من زاوية اكثر بعدا هننظر الى اعظم معاني المساواه والعدالة والوحدة والحب بين الناس والتضامن
خلصنا طواف وبديت اسعي مابين الصفا والمروة تستشعر القصص اللي في المكان ده من السيده هاجر الى سيدنا محمد صلى الله عليه وسلم المهم يتوقف نظرك ان المعتمرين بتيركضوا مابين العملين الاخضرين الكل عارف ليه ؟ لكن تدقق النظر اكتر واكتر واحلم شوية تقول مش ممكن دول هما قوات الجيش الاسلامي كتير كده فعلا تشوفهو وهما كلهم بيجروا مابين العلمين الاخضرين تحس بالفرح والهيبة لهذا المشهد سالت نفسي ليه توحدنا في المظهر بس مش المفروض ده يؤثر على واقعنا ولا احنا بنعمل كده بدون تفكير يا جماعه من احد الاهداف من ده كله انه مهما الاختلافات والفروقات فالكل متساوون مفيش حد سلفي ولا شيوعي ولا وهابي ولا اخواني ولا تبليغي ولا معتزله ولا ..................كلهم مسلمين
قال الله تعالى (شرع لكم من الدين ماوصى به نوحا والذي اوحينا اليك وما وصى به ابراهيم وموسى وعيسى ان اقيموا الدين ولا تتفرقوا فيه ) مش نلطش بعض ونسفه من بعض الاسلام هدفه الوحدة فعلا ده كان مشهد رائع وياليت كان يكون في واقع المسلمينالمهم نرجع للمسعى كان باقيلي 3 اشواط ورحت اشرب كافية وياليتني مارحت شربت كافيه ب.....ريال خليها مشتورا وقابلت احد اقاربي ده كان قبل آذان العشا وفجا ه لقيت الشوارع بقت مصليات اي والله وممنوع اي حد يدخل الحرم بسبب الزحمة خير يا عم مفيش مكان جوه ورجال امننا الابرار بينظمو حتى الصلاه في الشوارع المصليات امتدت في حدود 2كم بره ساحه الحرم فعلا كان مشهد رائع المهم صلينا العشا بالعافية في الشارع وبدون مصليات مفيش مكان بدانا بصلاه التراويح و الامام الجهني بددع فعلا واثنا الصلاه وقفني المشهد المش مش .... راجل هندي نسميه هـ معاه مراته بيصلوا برده في الشارع وعيالهم منيمنهم على الارض قدامهم عادي جدن
المهم جالك واحد من الاخوة العرب نسميه ع قال ايه عاوز يصلي
يقل للراجل شيل عيالك
هــــ : ايش انا فين ودي عيال ارمي بره ترجمتها امال فين وادي عيالي مالك ع : مالي دخل انا بدي اصلي ترجمتها مالياش دعوة انا عاوز اصلي
هـ : انا اول روح مكان انت دوّر سيم ترجمتها انا واخد المكان ده اول دوّر زيمما انا دورت
ع: ياخي بدي اصلي شو فيك انتا شوفت الخيبة الظلم والعدوان لزقها في انا بدي اصلي المهم شد ومد وكلنا بنصلي و ع بيقل للهـ شيل عيالك ما وصلوش لنتيجة جالك ع رايح مصلي مكان الهندي اداله ظهرة وصلى وعلى يمينه مرات الهندي وعلى شماله العيال ع : الله اكبر
الله اكبر عليك يا اخي انا قلتها في في سري
الظلم بعينه والهندي يبص يمين شمال ويقول لازم بوليس الناس بتصلي اي عسكري يعدي العساكر مشغولين بتنظيم المصلين لحد ماخلصت الركعتين والله اشغلني الراجل ده ع المهم علطول سيبت مكاني وتوجهت نحوه
قلتله الاخلاق الحسنة والاحترام عند ربنا اهم من مليون صلاة في ليلة القدر
جاي يرد عليا كرد شخصي قلتله انت اتشطرت عليه عشان هو مش عربي ده لو مصري ولا سعودي ولا سوداني كان وراك شغلك
جاي يتكلم الناس فعلا وقفت وقفة ايجابيه و هزؤه من احد الهزاات اللي اخد ها واحد برده من بلده قاله كلمة معبرة انت عبيط
كنت عاوز اقول اسخن من كده بس الراجل ال ع كبير للاسف المهم في النهايه اخدو ع ودوه في اي حته قال ايه يصلي فيها
ربنا يهديه والهندي الكل وقف معاه وكملنا صلاة التراويح انا فعلا فرحت بنتيجة الموقفمع ان بدايه الموقف نكدت عليا في اليوم الرائع ربنا يتقبل اعمالنا الصالحه ويسامحنا امين
معلش على رداءة الترجمة
بالمناسبة للشعب المصري نظره مستقبلية الا وهي في عام 2070 امير المؤمنين هيثم جمال محمد حسني مبارك يهني الشعب المصري العظيم بالعيد المبارك ويؤكد انه لا نيه له للتوريث ولا يفكر في ان يجدد البيعه ادام الله سره
